गुलाब खुडूनी ओठांमधला रंग गुलाबी घेऊन गेला.
फुंकर घालून ओठांवरती गंध कळ्यांना देऊन गेला.
ओठ टेकता ओठांवरती क्षण कायमचा थिजून गेला.
ओठांमधल्या दवबिंदूंना टिपून घेता भिजून गेला.
मोरपिसापरी तरल होऊनी देहावरती फिरून गेला.
गर्भरेशमी मिठीत घेउनी मला बावरे करून गेला.
ओठांमधल्या डाळींबाची अवीट गोडी चाखून गेला.
लालचुटुक रंगात न्हाउनी मिठास थोडी घोळून गेला.
श्वास मल्मली चंदन चंदन श्वासावरती झिजून गेला.
अधरावरती सांडत जाता मलाच चंदन करून गेला.
संचिता कारखानीस.
No comments:
Post a Comment