तुझ्यावर माझा जीव जडायला नको होता.
पाकळीत देह सारा फुलायला नको होता.
वर धरा, खाली मेघ... वाटे सारे मृगजळ
दिस दिस तुझ्यासाठी, सख्या जळे माझा जीव.
जळताना तुझा जीव झुरायला नको होता.
तुझ्यावर माझा जीव ....
तुझे श्वास, माझे श्वास... गुंतलेली चांदरात.
चांदण्यात वेडेपिसे मन होई पारिजात.
गंधाळला त्याचा सडा पडायला नको होता.
तुझ्यावर माझा जीव ....
चांदण्याचे तुझे भास, धुंद झाला नदीकाठ.
स्पंदनांची बरसात, मधाळले माझे ओठ.
ओठातला सोनचाफा खुडायला नको होता.
तुझ्यावर माझा जीव ....
स्पर्श सारे बोलणारे, बोलताना छळणारे.
स्पर्शताना देहभर छळवाद मांडणारे.
छळवादी तुझा स्पर्श घडायला नको होता.
तुझ्यावर माझा जीव ....
संचिता कारखानीस.
No comments:
Post a Comment